Children Archives - Horizons

Toninu jitgħallem jgħum

Mario Caruana — Wed, 04 Mar 2026 12:38:42 +0000

Matul is-sajf Toninu kien iħobb jgħum. L-għawm kien iħobbu għax fl-ilma kien iħossu qisu supereroj.
Iżda, omm Toninu kienet tibża’ mill-ilma u għalhekk iddeċidiet li tagħmel xi ħaġa.

The post Toninu jitgħallem jgħum appeared first on Horizons.

Il-Pinna tad-Dragun Aħmar Ir-Rebħa ta’ Prince

Mario Caruana — Tue, 13 Jan 2026 10:37:53 +0000

It-Tieni Ktieb

Ilustrazzjonijiet ta’ Luca Azzopardi

Dominik, tifel ħelu u fuq ruħu, kien ilu ma jużaha barra fil-ġnien dik il-pinna tad-dragun aħmar, li kien ingħata bħala rigal. Ma riedx li dak li jikteb fid-djarju jseħħ tabilħaqq, kif kien ġara qabel. Kien jużaha biss ġewwa, fejn ix-xemx ma setgħetx tilħqu u fejn ma jkollhiex dak l-effett fuq il-pinna. Ma riedx jilgħab mad-destin.

Imma dan kollu jinbidel meta pappagall kbir, sabiħ u mżejjen b’ħafna lwien, jidħol f’ħajtu.

X’kien dan il-pappagall? X’ried minn Dominik? Għalfejn għażel lilu biex jgħinu, minn tant tfal?

F’liema avventura kienu se jidħlu?

The post Il-Pinna tad-Dragun Aħmar Ir-Rebħa ta’ Prince appeared first on Horizons.

Milied Aħdar f’Ħal Miżwed

Mario Caruana — Mon, 03 Nov 2025 10:36:54 +0000

Bħat-tfal l-oħra ta’ Ħal Miżwed,
Salma għandha ħafna ħbieb.
Imma ħbiebha huma l-għasafar
li jgħixu f il-ħarruba x-xiħa tal-pjazza
u li jtiru sal-bitħa tal-iskola
biex jiltaqgħu magħha.
Darba waħda, meta ma kienx fadal wisq għall-Milied, l-għasafar għosfru
u magħhom għosfrot il-ħarruba…d

The post Milied Aħdar f’Ħal Miżwed appeared first on Horizons.

Is-Sigriet tal-Ħares

Mario Caruana — Mon, 06 Oct 2025 07:10:32 +0000

Xi skoprew iż-żewġ kuġini waqt lejla xitwija fid-dar tan-nanna?
X’sabu jistenniehom fil-passaġġi mudlama ta’ taħt id-dar? Kif wieħed minnhom spiċċa f’bir kbir li kien jinfed mal-bjar tad-djar l-oħrajn?
U x’kien fih tassew dak is-senduq moħbi, tqil u msakkar tajjeb li tħabtu kemm tħabtu, b’xejn ma setgħu jiftħuh?

Imma fuq kollox, tgħid il-ħares kien se jħallihom jikxfu s-sigriet prezzjuż tiegħu…?

The post Is-Sigriet tal-Ħares appeared first on Horizons.

Is-Sħaba l-Imqarba fl-Għid il-Kbir

Mario Caruana — Tue, 10 Jun 2025 09:29:38 +0000

Is-sħaba l-imqarba kienet ilha xxomm riħa tfuħ tielgħa lejn is-sema. Fir-Randan xammet ir-riħa tal-kwareżimal u kif qorob l-Għid il-Kbir xammet ir-riħa tal-f igolli jinħmew. Is-sħaba bdiet taqgħalha żaqqha u xtaqet idduqhom. X’taħseb li għamlet?

Tgħid nhar l-Għid il-Kbir qagħdet
bil-għaqal jew għamlet iktar minn praspura waħda?

The post Is-Sħaba l-Imqarba fl-Għid il-Kbir appeared first on Horizons.

Jaqq, Piff u Aħħ

Mario Caruana — Tue, 27 May 2025 06:50:58 +0000

Jaqq, Piff u Aħħ! huwa ġabra ta’ novelli umoristiċi, fejn l-intoppi, is-sorpriżi, il-ħmerijiet, l-intejjen, id-daqqiet ta’ ħarta u l-affarijiet diżgustanti li niltaqgħu magħhom fil-ħajja ta’ kuljum, ma jonqsux! Insibuhom ma’ wiċċna meta ma nkunux qed nistennewhom.
Ħafna drabi jkun tort tagħna għax il-loġika ninsewha. Minħabba f’hekk, nidħlu f’sitwazzjonijiet imprekattivi b’ruħna u b’ġisimna, b’konsegwenzi xejn pjaċevoli. Dan kollu jseħħ meta niġu daharna mal-ħajt. F’kelma waħda, inwaqqgħu l-ġebla fuq saqajna!
Serrħu moħħkom, ħbieb, għaliex, darba f’mitt qamar, tiġina waħda tajba.

The post Jaqq, Piff u Aħħ appeared first on Horizons.

Kampjun tal-Ġeneri tal-Kitba

Mario Caruana — Tue, 20 May 2025 14:50:40 +0000

Dan il-ktieb juri kif għandhom jinkitbu madwar 35 ġeneru tal-kitba
fil-Malti. Fih issib il-kriterji kif ukoll kampjun ta’ kif għandu jidher u jinkiteb kull ġeneru ta’ kitba.

Il-ktieb huwa ideali kemm għal għanijiet edukattivi kif ukoll għall-użu personali. Dan jistgħu jibbenifikaw minnu kemm l-istudenti kif ukoll l-għalliema, il-ġenituri u dawk li jħaddmu l-Malti fil-kitba.

Fl-aħħar mill-aħħar, dan se jkun għodda tajba sabiex jgħin fit-tagħlim tal-kitba; ħila importanti ferm fil-ħakma sħiħa ta’ lsienna.

The post Kampjun tal-Ġeneri tal-Kitba appeared first on Horizons.

Mewta Mistħoqqa!

Mario Caruana — Tue, 20 May 2025 14:46:02 +0000

Ġabra ta’ Novelli

Il-ktieb Mewta Mistħoqqa huwa ġabra ta’ stejjer qosra… stejjer strambi, kurjużi u mudlama, li jġegħluk taħseb kemm huwa kumpless moħħ il-bniedem.
In-natura, l-annimali u l-affarijiet inanimati kultant jieħdu l-liġi b’idejhom biex jerġgħu joħolqu bilanċ u armonija fil-ħajja ta’ ċertu individwi. Dan jagħmluh billi jeħilsu mill-bniedem qarrieqi. Kull mewta hi differenti, skont iċ-ċirkustanzi, u tiġi ħabta u sabta. Lanqas biss ikunu jafu x’laqathom.
Bniedem jeqred lil bniedem ieħor b’mod stramb, indirett u mhux mistenni. Iżda min jobżoq fis-sema, f’wiċċu jiġi!

The post Mewta Mistħoqqa! appeared first on Horizons.

l-Ifirsa tal-Mejda t-Tonda

Mario Caruana — Wed, 30 Apr 2025 14:20:42 +0000

Xabla msaħħra li tagħti lil sidha qawwa liema bħalha u ħarsien minn kull għawġ.
Draguni b’ġilda iebsa u nifs li jarmi n-nar.
Veleni li joqtlu u misturi li jqanqlu l-imħabba.
Għajn ta’ ilma msaħħar li jfejjaq kull mard.
Vjaġġi fi mkejjen imbiegħda.
Kalċi mqaddes li jkattar hena u paċi.
Dwellijiet ħorox bix-xwabel u bil-lanez.
Kavallieri qalbenin li jħarsu lil min hu batut u magħkus.

Kien iż-żmien tar-Re Arturu u l-Ordni tal-Ifirsa tal-Mejda t-Tonda, u ta’ kilba fost il-poplu li jkollu eroj li jkun jista’ jġib il-paċi u l-ġustizzja f’pajjiż mitluf fil-kaos.

The post l-Ifirsa tal-Mejda t-Tonda appeared first on Horizons.

L-Anġlu li Sar Scout

Mario Caruana — Thu, 03 Apr 2025 07:06:45 +0000

Il-mużika li semgħet ġejja mid-dinja, għoġbitha ħafna lil Leanne! Kemm tgħallmet u għamlet ġid! Imma x’ġara meta l-Bambin sejħilha lura għal għandu? Storja qasira mmirata għat-tfal sabiex jifhmu l-proċess tat-telfa ta’ xi ħadd għażiż għalihom.

The post L-Anġlu li Sar Scout appeared first on Horizons.