Novels Archives - Horizons

L-Aħħar Kwadru

Mario Caruana — Tue, 07 Apr 2026 06:36:40 +0000

Il-ħajja tintlagħab fuq skakkiera ta’ ċess fejn iċ-checkmate finali jitmexxa skont il-karattri. Għalhekk f’din il-ġrajja:

Min seraq il-pittura ta’ Paul Cézanne?
X’kienet tassew ir-relazzjoni bejn Patrick u Greta?
X’konnessjoni kien hemm bejn l-Ispettur u l-Avukata?
X’hemm stramb f’romantiċiżmu mhux normali?
X’kien is-sigriet f’ħidma klandestina u kriminali?
Kienet imħabba tassew jew biss infatwazzjoni?
X’effett ħalliet il-mewta traġika ta’ Jacob?
Min tabilħaqq għamel checkmate lil min?

Fost l-ambjent sabiħ ta’ bliet Ewropej iseħħu – il-qtigħ il-qalb, ir-romantiċiżmu, l-intriċċi, il-kriminalità, imma fuq kollox – it-tama. Dan kollu jinsab f’din il-ġrajja!

The post L-Aħħar Kwadru appeared first on Horizons.

Ix-Xewka tal-Iskorpjun

Mario Caruana — Tue, 07 Apr 2026 06:34:04 +0000

Spija Taljan, imlaqqam ‘L-Iskorpjun’, qiegħed isus wara tagħrif sigriet li jista’ jgħin lil Mussolini jxejjen konfoffa kontra tiegħu u jirbaħ il-gwerra fil-Mediterran.

Wara li jkun xhud tal-qtil brutali ta’ Madame Mimì, il-padruna tal-burdell fejn kienet taħdem ommu, dan it-tagħrif jaqa’ f’idejn Joe, tfajjel ta’ disa’ snin bi problemi mentali.

Meta l-Iskorpjun jintebaħ b’dan, Joe u ommu Tereża ma jkollhomx triq oħra għajr li jaħarbu mill-Belt taħt il-bombi tal-ewwel ħbit tal-għadu.

Ladarba tinduna li l-pulizija ma jistgħux jgħinuha, l-uniku lok fejn setgħet issib kenn u tinħeba ma’ binha kien ir-razzett ta’ missierha, mnejn Tereża kienet ħarbet kważi għaxar snin qabel.

Iżda fit-trankwillità tal-Fawwara, il-gwerra għal Tereża u binha kienet għadha ser tibda…

The post Ix-Xewka tal-Iskorpjun appeared first on Horizons.

Il-Logħba tal-Imħabba

Mario Caruana — Tue, 07 Apr 2026 06:32:20 +0000

Din il-ġrajja sseħħ f’Malta u fi Sqallija. Wara l-mewt ta’ missieru, ommu reġgħet iżżewġet u ħalliet lil binha Edgar f’idejn ħutha xebbiet anzjani Delina u Stella. Dawn rabbewh b’sikkatura esaġerata sa meta kiber u daħal l-università. Edgar ħa grazzja ma’ Miriam, iżda peress li kienet tfajla illeġittima, niesu qatt m’aċċettawha. Sadattant, it-tieni raġel t’ommu ħadha lejn l-Awstralja. Biex jifirduh minn Miriam, zijietu bagħtuh Sqallija fejn kien hemm ħuhom patri. Hemm Edgar jieħu grazzja ma’ Giulia u jinsa għal kollox lil Miriam. Din it-tieni avventura romantika lil Edgar ħarbtitlu ħajtu waħda sew. Lura Malta Edgar taha għax-xorb. Interessanti tmiem ir-rumanz li żgur inissel demgħa f’għajnejn il-qarrej.
Bħas-soltu dan ir-rumanz tipiku ta’ Alfred Massa jinkludi paġni ta’ storja, folklor, sokor u fuq kollox xeni romantiċi mimlijin passjoni…

The post Il-Logħba tal-Imħabba appeared first on Horizons.

1991

Mario Caruana — Tue, 07 Apr 2026 06:29:35 +0000

A new year is meant to bring fresh starts, new hope, and resolutions, but 1991 has not been so kind to the boy found wandering the streets of Immacolata, and to the woman who had finally walked away from a life of violence. It was a year that started with cryptic accidents which had the forensics team bending over backwards to find what had really happened.

With Lucio focusing on a cold case, and Marius dealing with a loss in the family, the team brings in old help to manage the complex cases, and mitigate the collateral damage which stems from them. Throughout their investigation they come across people from all walks of life, and who genuinely offer their help so that justice is served.

1991 is a story about loss, grief, resilience, love and hope. A journey in which friendships are strengthened, and new alliances forged. But will this be enough for the team to be able to provide closure for everyone?

All will be revealed in the sixth instalment of the Lucio Vella Series.

The post 1991 appeared first on Horizons.

L-Università Mafia

Mario Caruana — Tue, 13 Jan 2026 10:45:45 +0000

“Ktieb li qrajt f’żewġ nifsijiet”

Lara Calleja

F’dan ir-rumanz, Portelli ma joqgħodx lura mis-satira tal-politika fl-akkademja. Tista’ tidħaq jew tieħu għalik, kif tixtieq int. Nagħti garanzija li xi ħaġa żgur se tissorprendi lill-qarrejja.

Robert Pisani

Portelli jirnexxilu jwaħħad flimkien l-esperjenza tal-emigrazzjoni u l-ħajja fi ħdan l-istituzzjoni universitarja, bil-makkinarju ta’ poter tagħha li jitlob konformità. Portelli ma jinħebiex wara strataġemmi letterarji; f’kull paġna tħoss ir-rabja, il-frustrazzjoni,
u d-diżillużjoni ta’ min kellu ideali għolja u rahom jiġġarrfu quddiemu. Forsi fl-aħħar mill-aħħar dak hu l-effett tal-mafji kollha kemm huma: it-tiġrif tal-ispirtu uman, it-telf tat-tama. Hekk biss il-mafja tirrenja.

Aleks Farrugia

The post L-Università Mafia appeared first on Horizons.

Meta Ġej?

Mario Caruana — Wed, 15 Oct 2025 09:42:41 +0000

Minn kull pajjiż li fih Kato kienet ivvjaġġat ma’ Tom, kienet bagħtitlu l-kartolini. Il-kitba korsiva tagħha kienet timla n-naħa ta’ wara ta’ dawn il-kartolini; meta kienet tasal fit-tarf tal-kartolina, kienet tkompli tikteb fit-truf tagħha, allura hu kellu kull darba jdawwar il-kartolini kif idur l-arloġġ, għal darba tnejn tlieta, sakemm isib il-firma tagħha. Kultant kienu jaslulu kartolini mingħajr ebda kitba fuqhom: ritratti ta’ canyons, statwi fuq funtani, fjuri, siġar u bosta drabi studji qabel wieħed ipinġi lil xi ħadd partikolari. Erba’ ġimgħat ilu, imbagħad, kienet waslitlu kartolina li kien fiha s-sentenza: “Meta ġej?”

The post Meta Ġej? appeared first on Horizons.

Ħarġet il-Qalb … fit-Telfa tat-Teżor

Mario Caruana — Thu, 18 Sep 2025 07:34:05 +0000

X’se jsib il-qarrej f’dan ir-rumanz?

~Ħaġret li għosfrot f’qiegħ il-baħar u fil-qalb
~Misteri ta’ ħlejqiet diżillużi
~Abbuż u stupru fuq ħlejqa emarġinata
~Karattri bla isem imma bi pronomi u laqmijiet
~Imħabba ġenwina f’solidarjetà
~Sejba ta’ teżor mitluf ma’ sejba ta’ bint mitlufa
~Weġgħa ta’ omm bijoloġika quddiem omm adottiva
~Sigriet li nżamm mistur matul deċennji sħaħ
~Tortura u tpattija bejn ġgajtiet rivali
~L-irdum bis-sejħa mistika għal tmiem finali
~X’kienu jfissru l-ittri A-M imnaqqxa fuq blata

ĦAĠRET IL-QALB fit-telfa tat-teżor hija ġrajja mimlija emozzjonijiet u intriċċi, flimkien ma’ empatija, li jħallu lill-qarrej għatxan li jkun jaf aktar.

The post Ħarġet il-Qalb … fit-Telfa tat-Teżor appeared first on Horizons.

Bint l-Imħabba Miċħuda

Mario Caruana — Thu, 18 Sep 2025 07:20:50 +0000

X’qed jinkwetah u għaliex il-passat ibeżżgħu lill-kappillan?
X’ġara minn Kate wara li ħarġet tqila u ħarbet lejn l-Awstralja? U x’kienet lesta tagħmel biex issalva l-familja?
Marta u Luke hemm futur għalihom flimkien?
Għaliex Dun Anton jintbagħat il-missjoni fl-Afrika?
Ix-xitan jaf idaħħal denbu, u kif!
Ġrajja mistura, fejn tispikka l-imħabba, il-mibegħda, u l-maħfra, ta’ tliet familji li jsibu ruħhom f’intriċċi mhux mistennija.

Meta tibda taqra l-istorja, jgħaddilek il-ħsieb li din hi waħda minn xi sensiela li kiteb Cardona tul is-snin, għax miktuba b’sengħa, kompożizzjoni u trama ta’ veteran. Wara wieħed jiskopri li dan huwa l-ewwel xogħol tiegħu, u l-istorja tant tiġbdek lejha li diffiċli tieqaf taqra jekk mhux għax tkun wasalt fit-tmiem. Iżda wkoll fit-tmiem, il-kittieb jibqa’ jinvolvi lill-qarrej sal-aħħar vrus, u jħallina b’sens ta’ paċi u nostalġija għal dak kollu li għaddew minnu l-personaġġi ta’ din l-istorja.

John Demanuele, xandar

The post Bint l-Imħabba Miċħuda appeared first on Horizons.

KHERSON Bejn it-Tama u l-Qlubija

Mario Caruana — Thu, 18 Sep 2025 07:07:59 +0000

Wara t-telfa tal-ewwel tqala u l-aħbar li ma setax ikollhom tfal, Alex u Brenda kienu waqgħu f’abbiss mudlam. Iżda l-miġja ta’ Natalya, it-tarbija li addottaw minn orfanatrofju fl-Ukrajna, reġgħet ġabitilhom il-ferħ. Erba’ snin wara, dan il-ferħ reġa’ nbidel f’miżerja meta skoprew li Natalya kienet mardet b’marda kiefra.

Sabiex isalva lil bintu, Alex kien lest li jagħmel minn kollox – anki jmur ifittex fejqan għaliha qalb it-tiġrif tal-gwerra fl-Ukrajna.

Oleyna kienet studenta żagħżugħa fl-Università ta’ Kherson. Ħajjitha kienet kuntenta mal-maħbub tagħha Denys… sakemm ir-Russi daħlu fil-belt u ħadulha dak kollu li kien għażiż għaliha. Ħajjitha ta’ taħt fuq, u kostretta taħrab mill-belt, Oleyna tissieħeb mar-Reżistenza fil-ġlieda kontra l-invażur.

Meta t-toroq ta’ Alex u Oleyna jiltaqgħu sabiex isalvaw għadd ta’ tfal misruqa mir-Russi, il-ġlieda tiħrax. Kontra l-qilla tal-għadu, l-uniċi armi li kellhom kienu t-tama u l-qlubija… Iżda dawn kienu ser ikunu biżżejjed?

The post KHERSON Bejn it-Tama u l-Qlubija appeared first on Horizons.

Għall-Imħabba ta’ Prostituta – Vol 2

Mario Caruana — Tue, 09 Sep 2025 10:50:27 +0000

Minkejja l-passat imqalleb tagħha, lil Kimberly xorta waħda sirt inħobbha.
Speċjalment wara li stqarret illi miegħi sabet
il-ħajja li dejjem xtaqet biex tkun tista’ tibni familja.
Biss, dak il-kiefer li kien jaħkimha, iħaddimha, jaħqarha u jgħakkisha, żgur li ma kienx se jtiha l-libertà u jħalliha titlaq kif ġieb u laħaq. Ma kienx se jħalliha tgħix ħajjitha kif tixtieq. U żgur li ma kienx se jħalliha taħrablu minn taħt difrejh.
Akkost ta’ kollox. Lanqas jekk jimmankaha, jirrovinaha, u jekk hemm bżonn … ineħħilha ħajjitha!
Għalhekk, biex jirnexxili nsalvaha u neħlisha darba għal dejjem mill-jasar u l-iskjavitù li kienet maqbuda fihom, kelli bilfors ngħaddi minn saram u perikli kbar li saħansitra ġabuni wkoll … wiċċ imb wiċċ mal-mewt!
Għax b’hekk biss stajt nipproteġi lilha u l-frott ta’ mħabbitna li issa … kienet qiegħda ġġorr f’ġufha.
Imma tgħid l-ajru, xi darba kien għad jibbnazza … għalina t-tlieta?

The post Għall-Imħabba ta’ Prostituta – Vol 2 appeared first on Horizons.