Din hija r-raba’ ġabra ta’ stejjer ta’ Lina Brockdorff. Qabilha kien hemm Il-Bieb numru 11, Bellus u Bizzilla u Intermezzi. Hawn insibu 35 storja, minsuġa mill-ħajja ta’ kuljum ta’ kull wieħed minna. Ma hemmx avventuri drammatiċi jew straordinarji, b’danakollu kull storja ddaħħlek dritt fil-qalba ta’ sitwazzjoni li għall-ewwel tidher li ma toffri l-ebda soluzzjoni. Il-qarrej iħobb, iħoss, jitbissem u xi drabi jxerred xi demgħa wkoll mal-iżvilupp ta’ xi stejjer minnhom. Fl-istess ħin jiskopri li qatt ma għandna naqtgħu qalbna mill-ħajja.