Kummentarju ta’ Chev. Mario Coleiro O.S.J.

Fotografija ta’ Mario Cocker

Kull bniedem għandu l-forom ta’ twemmin tiegħu u kull bniedem għandu dritt jemmen f’dak li jħoss. Bla dubju ta’ xejn, ir-reliġjonijiet huma fost l-aktar li jaffettwaw it-twemmin tal-bniedem. Kull reliġjon għandha l-metodi tagħha kif twassal il-messaġġ lill-bniedem, u dak li għal reliġjon ikun normali għal reliġjon oħra jista’ jkun kompletament differenti, jekk mhux skandaluż.

L-espressjonijiet u l-movimenti f’dawn ix-xbihat devoti u artistiċi huma manifestati permezz tal-arti tal-fotografija, li tkompli twassal il-messaġġ tal-awturi tagħhom.