ħajti fir-raħal li darba kien, fil-ġurnaliżmu
u Malta li baqgħet tinbidel…

Din il-kitba tkopri perjodi u ġrajjiet li għex l-awtur imħaddma bi stil mexxej u konċiż mill-pinna ta’ ġurnalist prattiku u mimli esperjenza li ma jafx jaħdem mod ieħor. Hemm sempliċità mħallta ma’ battuti li joffru żvog daqs kemm sfida għal qarrej. Fil-kitba tispikka l-memorja inkredibbli tal-awtur. Jibqa’ uman anke f’waqtiet fejn irid juri ċerta rabja u wġigħ. Il-personalizzazzjoni tal-awtur tagħti bixra sabiħa ta’ awtobijografija, iżda ma ttellifx mir-rakkont tal-istorja mill-perspettiva tal-kittieb. Ma jistax jonqos, il-memorji tal-istess storja/esperjenza jvarjaw minn persuna għal oħra, imma dan huwa l-ġmiel u l-privileġġ ta’ xogħol bħal dan.

Charles Flores