Din l-antoloġija tinkludi studji li mhux biss jirreferu għax-xogħlijiet letterarji ta’ xi kittieba kontemporanji Maltin, iżda wkoll jiddiskutu ċerti mistoqsijiet estetiċi li llum bosta estetisti għadhom jiktbu dwarhom. Fost l-oħrajn jinkludu r-rabta li teżisti bejn il-Letteratura u l-Filosofija, il-valur estetiku f’xogħlijiet artistiċi, b’mod speċjali l-letteratura, x’inhi n-natura tal-emozzjonijiet li l-qarrej iġarrab waqt il-qari ta’ test letterarju, x’inhu s-sens tal-verità meta l-letteratura hi fittizja, u xi kwalitajiet morali tista’ ġġorr magħha l-letteratura.
