Darba fost l-oħrajn tfajla sabet sokkors f’ġuvni differenti minnha. Inħolqot ħbiberija ħelwa bejniethom… imma għalja, għax ħallsu għaliha b’ħajjithom.
Sekli wara, f’għodwa xejn differenti minn ta’ qabilha jew dawk li ġew warajha, raġel safa maqtul quddiem min jiddefendi l-liġi. Martu bdiet titħabat biex issir ġustizzja ma’ żewġha. Bl-għajnuna ta’ avukat, tibda storja ċkejkna li tikber u titqawwa sakemm il-pajjiż kollu jieqaf jisma’ dak li jkun qed jingħad.
Tgħid kulħadd jieħu dak li ħaqqu? Wara kollox, mis-sema ’l isfel kulħadd l-istess!