“Bħala poeta, Cardona dejjem iħares lejn l-affarijiet minn angolu differenti minn dawk tal-poeżija kolta stabbilita. Iħares mill-pjazza tal-każin, mill-forn tal-ħobż, mill-għatba tal-għorfa tar-razzett, mill-kċina tan-nanna Kelina, U minkejja l-preokkupazzjoni tiegħu bil-kuntratturi li jridu jibilghu kullimkien, għajnejh jibqghu mixħutin fuq il-ġrajjiet il-kbar tal-hajja. Hemm il-ġrajjiet li jseħħu quddiem għajnejh, bħal meta persuna li jħobb tmut, u dawk li jseħħu ‘l bogħod mill-għajn, fl-abbissi mistura u misterjużi tal-univers. Fiċ-ċentru ta’ dak l-univers poetiku hemm, fl-aħħar mill-aħħar, kull waħda u wieħed minna bil-ġrajjiet il-kbar u ż-żgħar taghna, u l-ħolqien ta’ madwarna. Gozz protagonisti insinifikanti.”

Adrian Grima