Ix-xita t’għada tneżżgħek minn kull passjoni
u l-għasafar jitħajru jerġgħu lura
jaqbżu minn binarju
għal ieħor.

Dan il-ktieb huwa eleġija għall-assenza nfisha — forsi dil-poeżija hija diskursata ma’ ħajja li, hi u titlef tifsiritha, issir vjaġġ li d-destin aħħari tiegħu għadu, kif jistqarr Portelli, identità mistura. Jew forsi vers maqtugħ ħesrem. Jew inkella l-metamorfosi tal- vuċi poetika nfisha.

Norbert Bugeja

Bħal fieres nobbli, Portelli jġorr it-toqol tal-ħajja fuq iż-żiemel tal-poeżija biex jittraċċa s-sentimenti u l-polz tar-ruħ umana, u biex jixgħel ix-xemgħat fl- irkejjen mudlama… u mill- ħarifa jerġa’ jinseġ l-ilbiesi friski tar-rebbiegħa.

Walid Nabhan