Ir-raba’ volum ta’ Bejn Storja u Miti jistħarreġ il-bijografija ta’ Fr Hilary Tagliaferro, Patri Agostinjan li

Warrab it-tonka u l-glorji ta’ Ommu l-Knisja u uża l-isport biex iwassal il-Kelma li tifdi. Fost l-oħrajn, fil-qalba tal-ġlieda politiko-reliġjuża tas-sittinijiet, ġabar iż-żgħażagħ li emmnu f’ideoloġija partikolari taħt saqaf wieħed meta ħaddieħor tahom il-ġenb. Ħareġ bil-proġett tal-Millennium Chapel f’arena ta’ divertiment, fejn fetaħ beraħ il-bibien għal min ħajtu ma baqax is-sid tagħha.

Kif se tiġġudikah l-istorja lil Fr Hilary? U t-tifħir kollu li tatu s-soċjetà matul ħajtu kien feles perfett biex jinbena mit dwaru? Bejn Storja u Miti jipprova jwieġeb dawn il-mistoqsijiet dwar patri li n-nies kienu l-Vanġelu tiegħu.