Olivia, bint missier Malti u omm ta’ nisel Taljan, twieldet l-Amerika. Għall-bidu, tfulita kienet feliċi – sakemm fil-familja tagħha seħħet ġrajja li, minħabba dak li ġabet warajha, qallbitilha ħajjitha ta’ taħt fuq. Bla qatt mistenni ssib ruħha wiċċ imb wiċċ ma’ salt intriċċi u gideb ta’ mara bla skrupli. Fil-qalba tal-istorja jkun hemm ukoll tifel, pittura ta’ valur kbir li tkun moħbija, mewt traġika misterjuża, testment sigriet, ċertifikat tad-DNA, raġel fil-ħabs, ġojjelli misruqin li ħadd ma jkun jaf fejn qegħdin ħlief min ħbiehom, u ittra kunfidenzjali b’kontenut ta’ natura kruċjali. Fil-ħajja tat-tfajla jidħlu pulizija, avukati, qassis, miljunarju u martu, investigaturi, bankier, u żagħżugħ Malti li jitfa’ għajnejh fuqha.B’kollox idur magħha, Olivia jkollha tissara ma’ provi kbar. Fi triq twila u kumplessa. Li titlob minnha ħafna sabar, għaqal u kuraġġ.