Għawdex 1551
Ġrajja ta’ Mħabba, Tradiment … u Skjavitù

“Alla tiegħi, Alla tiegħi, għaliex abbandunajtni?”
Din kienet il-karba mqanqla tal-poplu Għawdxi kollu meta, minn fuq is-swar, rajna dawk l-eluf ta’ ġellieda Torok resqin lejna wara li l-Gran Mastru telaqna għal riħna, u l-Gvernatur tal-Kastell tradiena.
Biss, jien kont ili nitniehed din il-karba muġugħa minn meta żewġi,
lili kien telaqni u ħallieni waħdi għax kont ta’ għajb għalih u għal ommu minħabba li, skont huma, ma setax ikolli tfal.
Imma sakemm waslu t-Torok jien ilħaqt rabbejt il-qoxra – la bqajt nibża’ u wisq inqas naqta’ qalbi. Għax bħalma Alla lanqas lill-għasfur
tal-bejt ma jinsa, fija ħaseb ukoll meta bagħatli furban ferut. Furban qawwi, b’saħħtu u sabiħ, imma għadu ta’ pajjiżi li biex dewwejtu għandi bil-moħbi ta’ kulħadd, issograjt saħansitra l-forka.
Furban li għallimni niġġieled, nuża l-armi, u li fija żera’ wkoll
it-tama lil ħajja ġdida wara li ħabbejtu, tajtu lili nnifsi … u tlift għaqli kollu warajh …