Tfal orfni u minorenni fi skola taħt il-ħarsien ta’ reliġjuż pedofilu. Kien ambjent ta’ min jistkerrhu ta’ bullying u abbuż sesswali minn min suppost kellu jara li dan ma jsirx. Ħajjithom tbagħbset emozzjonalment u tkissret psikoloġikament mill-bniedem li kellu jħares il-formazzjoni u t-tisħiħ tal-karattru u l-moralità tagħhom. Iżda minflok, huwa stess abbuża mill-innoċenza tagħhom u ħassrilhom tfulithom. It-trawma tagħhom baqgħu jġorruha tul żgħożithom u l-adolexxenza.

Hija wkoll il-ġrajja ta’ delitti bla ħniena b’ritwal makabru, imnebbħa minn xirka klandestina. Imma fuq kollox, hija ġrajja ta’ mħabba ġenwina li tisboq kull inġustizzja u dwar kif il-ħaqq ma jħarisx lejn l-uċuħ. Il-qadi tad-dmir jiġi fuq kollox, anki fuq ħbiberiji personali.