Fajża. Ir-rebbieħa telliefa. Il-preżenti assenti. Il-mimmi ta’ kull għajnejn li qatt rawha. X’sar minnha? Sensiela ta’ koinċidenzi, jew kollox ippjanat?
Xogħol soċjopolitiċizzat li jittrasmetti t-tensjoni u l-ħtija minn paġna għal paġna u minn karattru għal ieħor, filwaqt li jpoġġi l-filosofija f’forma narrattiva distintiva li żżid il-loġika taċ-ċarezza u l-ambigwità fl-istess waqt.
Rakkont li jipprovoka s-sensi kollha, b’dak kollu li jinvolvi l-moħħ miftuħ u l-ġenerożità ta’ ħsieb.
