Il-qarrej jiltaqa’ wiċċ imb wiċċ ma’ numru kbir ta’ kittieba u poeti Maltin, il-parti l-kbira tagħhom għadhom jiktbu fil-preżent. Kif bdew jiktbu? Fejn għexu fl-imgħoddi? X’jiftakru minn dan? X’ħalla l-ikbar marka fuqhom? Fejn jgħixu llum? Min huma dawk il-kittieba li qed jiktbu lil hinn minn xtutna? Liema huma l-ħwejjeġ li jispirawhom biex jiktbu? X’jagħmlu bħala xogħol, u kif jgħaddu l-ħin ħieles tagħhom? X’jaħsbu dwar kwistjonijiet kontemporanji partikolari? L-intervistatur fi djalogu informali mal-intervistat jikxef dan kollu.