Lejla waħda, Miranda tħassbet meta rat lil oħtha Giselle liebsa libsa twila u titkellem waħedha quddiem il-mera. Imma Giselle kienet qed titgħallem il-kliem tar-reċta bl-amment u kellha tilbes libsa twila biex issir tifla tal-kampanja! Miranda kompliet tinkwieta. Allura issa Giselle mhix se tibqa’ oħtha? Hija wkoll kienet libset kostum ta’ prinċipessa fil-karnival, imma ma saritx prinċipessa. Mill-ġenb tal-palk, Miranda rat post maġiku. Tgħid reġa’ ġie kollox kif kien wara li spiċċat ir-reċta?