“Kull tgħanniqa li nagħti permezz tagħha nkun qed inħoss il-bniedem… inħoss id-dgħufija tiegħu… u għalhekk it-tgħanniqa għandha tifsira akbar, għax tkun qed tipprova terfa’ persuna fil-fraġilità tagħha. Bniedem meta jkun imweġġa’ trid tersaq lejh, irid iħoss par idejn li qed iħossuh, qed jgħannquh magħhom. Jiena dejjem hekk imxejt fil-ħajja; mhux tiġġudika lin-nies imma tħenn u tħobbhom… u aktar milli tħenn, li tħobbhom. Tinsewx, il-Caritas qiegħda magħkom, il-Caritas qiegħda fostkom… kull meta jkollkom bżonn xi ħaġa dejjem se ssibu l-bibien tagħna miftuħin beraħ. Inħobbkom ħafna.”