Ir-rebbiegħa u ż-żgħożija għandhom ċertu xebh fil-ħajja tal-bniedem… Ġina u Walter, u Mary u David huma żewġ koppji ħelwin li jgħaddu minn żminijiet diffiċli sakemm jilħqu l-ideal tagħhom. Magħhom jaqsmu ħajjithom il-ġenituri tagħhom.

Min kienet Wenza? X’importanza għandha fil-ġrajja?

Għaliex David jistqarr li kien tilef teżor u reġa’ sabu?

Katrin, Tereża, Wenza, Lonza, Mattew u Ninu … flimkien ma’ Dun Nikol jinsġu ġrajja li tikxef il-qawwa tal-imħabba.

Imma kif?…

Dan huwa s-16-il rumanz ta’ Alfred Massa, rumanz mimli paġni ta’ mħabba, sentimenti, tagħrif storiku u mera li teħodna lura għas-snin ħamsin.