Nenu kellu tnax-il sena, il-kbir f’familja fqira mimlija tfal. Dara jgħix fil-faqar. Li kien ikiddu wisq kien il-fatt li hu twieled u jgħix fi sqaq fir-raħal ta’ Ħal Qormi fil-ħamsinijiet tas-seklu li għadda. Kellu moħħu tajjeb, u rnexxielu jkun l-ewwel tifel mill-isqaq li jgħaddi għal-Liċeo. Għalih kienet rebħa li qatt ma stennieha. Waqt li kull filgħodu kien ikun jistenna x-xarabank biex twasslu l-iskola, laħaq tefa’ għajnejh fuq Lara, tfajla li tkun faċċata tiegħu tistenna x-xarabank tagħha lejn skola privata. Missierha kien Ingliż, ‘kważi nobbli’, b’danakollu Nenu seta’ jinduna li Lara ma kinitx taqla’ għajnejha minn fuqu. Laħaq kellimha darbtejn, imma l-ġardinar mar jispjuna kollox lil omm Lara li għamlet minn kollox biex fi ftit jiem isiefru lejn darhom l-Ingilterra biex qatt ma jerġgħu lura. Tgħid dan kellu jkun it-tmiem tal-imħabba bejn Nenu u Lara?