Tgħid għaliex kulħadd iħobb l-istejjer? Aktarx li għax kull storja għandha s-seħer li tkaxkarna magħha għal ambjent differenti minn dak li nkunu fih, barra milli tlaqqagħna wiċċ imb wiċċ ma’ karattri kemm ħelwin u kemm mhux tant ħelwin. Hekk l-orizzont emozzjonali tagħna jinfetaħ bħal siparju ta’ teatru u aħna stess insiru l-protagonisti tal-istorja li toffrilna tapit maġiku.