Aktarx li ser taqblu miegħi: li minn żmien żemżem l-antenati tagħna kienu jsibu l-għaxqa tagħhom billi jirrakkuntaw l-istejjer. Ma tantx kellhom passatempi oħra! Hemm, għall-irdoss, imbegħdin mill-perikli tal-annimali, b’ħażna ta’ ikel madwarhom, kien ikollhom moħħhom mistrieħ, u allura, ladarba l-bniedem kien ivvinta mezz kif jikkomunika, erħilhom ipaspru u jivvintaw. Ma tantx inbidel il-bniedem tul iż-żmien, hux hekk!