Sa mill-ewwel jiem bikrin ta’ ħajjitna qalbna tibda toħlom b’xi xewqa. Xi drabi dawn ix-xewqat jitwettqu u qalbna tfur bil-ferħ sa ma nerġgħu noħolmu b’xi ħaġa oħra, waqt li jista’ jiġri li dik ix-xewqa tibqa’ magħna bħala xewqa biss ħajjitna kollha. F’kull waħda minn dawn ir-rakkonti niltaqgħu ma’ xewqat li bosta minnhom jaraw it-twettiq  tagħhom, għalkemm drabi oħra dan ma jkunx il-każ. B’danakollu, il-ħajja tibqa’ sejra.